БАЯНХОНГОР АЙМГИЙН УС, ЦАГ УУР ОРЧНЫ ШИНЖИЛГЭЭНИЙ

ТӨВИЙН АХЛАХ НЯГТЛАН БОДОГЧ Б.ЭНХЖАРГАЛЫН 2024 ОНЫ 

 ЖИЛИЙН ҮЙЛ АЖИЛЛАГААНЫ ТАЙЛАН

2024 оны 11 дугаар сарын 28                                                                           Есөнбулаг

Байгууллагын зорилго, зорилтыг хангахад чиглэсэн үр дүнтэй зардлыг санхүүжүүлж төсвийн үргүй зардлыг багасгаж, төсвийг зориулалтын дагуу зарцуулж, хэмнэлтийн горимыг чанд сахиж хуулиар эрх олгосноос бусад тохиолдолд төсөвт тусгаагүй зардлыг санхүүжүүлэхгүй батлагдсан төсөвт багтаан санхүүгийн сахилга батыг сайжруулж төсвийн хөрөнгийг үр ашигтай зарцуулан ажилласан.

Санхүүгийн үйл ажиллагаанд өдөр дутам тавих хяналтыг сайжруулж, аймгийн Засаг даргын 2021 оны А/683 тоот захирамжийг хэрэгжүүлэн анхан шатны баримт бүрдүүлэлт, бүртгэл хөтлөлтийг НББОУС-ийн дагуу хөтлөж, байгууллагын эд хөрөнгийн ашиглалт хамгаалалтын байдалд хяналт хийж, төсвийн тухай хууль, НББ-ийн тухай хууль болон бусад холбогдох хууль, журамыг хэрэгжүүлэн ажиллаж байна.  2023 оны санхүүгийн тайлангийн аудитаар зөрчилгүй санал дүгнэлт авч Төрийн аудитын байгуулагаас өгсөн албан шаардлагыг хэрэгжүүлэн, биелэлтийг хугацаанд нь тайлагнасан.

Нэг: Тайлан мэдээ, төсвийн  талаар

• 2024 оны 2, 3-р улирлын санхүүгийн тайланг хуулийн хугацаанд гаргаж газрын даргын албан бичгийн дагуу холбогдох материалыг бүрдүүлэн, илтгэх хуудсын хамт  ЦУОШГазарт хүргүүлэн, цахимд мэдээллэн ажилласан.
• 2025 оны төсвийн төсөл, 2026, 2027 оны төсвийн төсөөллийг 5-р сард дээд шатны байгууллагад хүргүүлэн ажилласан.
• 2024 оны байдлаар төсвийн гүйцэтгэл, өр авлагын мэдээ, мөнгөн кассын болон нэмэлт санхүүжилтын тайланг хугацаанд нь гарган санхүү төрийн сангаар хянуулан, дээд байгууллагад сар бүр хугацаанд хүргүүлэн ажиллаж байна.
• Татвар, нийгмийн даатгал тайлангуудыг холбогдох байгууллагуудын цахим программд шивж тайлагнасан. Нийгмийн даатгалын тайланг тоон гарын үсгээр баталгаажуулан илгээж байна. Хугацаа хоцорсон мэдээ тайлан байхгүй.
• 2024 оны 11 дүгээр сарын 28-ны өдрийн байдлаар төсөвт байгууллагын урсгал санхүүжилт 2,875,156,500 төгрөгийн санхүүжилт орсноос 2,862,113,674 төгрөгийн   зарцуулалттай байна.

Төсвийн зарцуулалтыг авч үзвэл:

• цалин хөлс нэмэгдэл урамшуулал 2,362,218,226 төгрөг,
• НДШ-д 295,668,500 төгрөг,
• байр ашиглалттай холбоотой тогтмол зардалд 41,627,500 төгрөг,
• хангамж, бараа материалын зардалд 9,834,717 төгрөг,
• нормативт зардалд 187,700 төгрөг,
• эд хогшил урсгал засварын зардалд 126,070,210 төгрөг,
• томилолт зочны зардалд 2,594,000 төгрөг,
• бусдаар гүйцэтгүүлсэн ажил үйлчилгээний төлбөр хураамж 27,100,769 төгрөг,
• тэтгэвэрт гарахад нэг удаагийн мөнгөн тэтгэмж 0  төгрөгийг  зарцуулсан байна.

               Хоёр: Төсвийн зохицуулалт өр, авлагын талаар:

• Дээд шатны байгууллагад төсвийн зохицуулалт хийх, давсан орлого зарцуулах саналыг тус тус хүргүүлсэн шийдвэрлүүлж ажиллаж байна. 2024 оны төсвийн хүрэлцэхгүй байгаа зардлуудад дээд шатны байгууллагад санал хүргүүлэн шийдвэрлэн ажилласнаар өр авлага үүсгэхгүй ажиллана.  

              Гурав: Бүтэц орон тоо, цалингийн талаар:

• Газрын даргын 2023 оны А/83 тушаалаар манай аймаг нь 90 хүний бүтэц орон тоотойгоор батлагдсан ба төвийн даргын 01 тоот тушаалаар бүтэц орон тоо, цалинг батлуулан ажиллаж байна. ЦУОШГазрын даргын 2024 оны 3 дугаар сарын 29-ны өдрийн А/50 тоот тушаалаар Өртөө байгуулах тушаалын дагуу Гурванбулаг сумын “Хөх нуур” өртөө байгуулагдсан. Цалин хөлс олголтын ЗГ-ын 2024 оны 03 дугаар сарын 27-ны өдрийн 128-р тогтоолоор батлагдсаны дагуу олгож байна.

             Дөрөв: Худалдан авалтын талаар

• Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийн дагуу түлш халаалтын зардалд Скэйл ХХК-тай нүүрс мод бэлтгэн нийлүүлж гэрээ байгууллан ажиллаж байна.
• Байгаль орчин аялал жуулчлалын сайдын 2024 оны “Төсөвт зохицуулалт хийх тухай” А/80 тоот тушаал, ЦУОШГазарын даргын 2024 оны “Хуваарь батлах тухай” А/26 тоот тушаалаар баталсан хуваарьт заасны дагуу цахим худалдан авалтыг “ТЕХНО ЗОН” ХХК, “Ай Ти Зон” ХХК-тай гэрээ байгуулан цахим худалдан авалт хийж бараагаа хүлээн авсан. Цахим дэлгүүрт байхгүй i9, i7 компьютер болон Эко ариун цэврийн байгууламжийг “Оюун сантайнэрдэнэ” ХХК-тай гэрээ байгуулж худалдан авалт хийсэн.

             Тав: Өмч хөрөнгийн хөдөлгөөн, хөрөнгө оруулалтын    талаар

• Өмч хөрөнгийн тооллогыг хагас жилээр болон бүтэн жилээр тоолж ажилладаг. 2023 онд тэг үлдэгдэлтэй үндсэн хөрөнгүүдийн ашиглах хугацааг сунган ажилласан. 2024 оны хагас жилийн тооллогоор ашиглах боломжгүй хөрөнгүүдийг актлах саналыг БОАЖЯ-ны санхүү хөрөнгө оруулалтын хэлтэст хүргүүлэн ажиллахаар төлөвлөж байна.

          Зургаа: Төсвийн ил тод байдлын талаар

• Шилэн дансны тухай хуулийн 7.1.3, Засгийн газрын 2014 оны 384 дүгээр тогтоолоор батлагдсан журмын дагуу шилэн дансны цахим сайтад мэдээллээ байршуулан ажиллаж байна. Одоогийн байдлаар хугацаа хоцорсон мэдээ тайлан байхгүй. Улирлын мэдээллийг хуулийн хугацаанд илгээв.
• Байгууллагын ил тод байдлын самбараар сар бүрийн төсвийн гүйцэтгэлийн мэдээллийг байршуулан, төсөв санхүүтэй холбоотой шинээр гарсан ЗГ-ын тогтоол шийдвэр болон төсвийн ерөнхийлөн болон төвлөрүүлэн, шууд  захирагч нараас гаргасан шийдвэрүүдийг мэдээллэн ажилласан.

         Долоо: Сургалт семинарь

• 2023 оны жилийн эцсийн аудитлагдсан санхүү тайлангаа санхүүгийн нэгтгэсэн тайланд нэгтгүүлэх хуваарийн дагуу 2024.02.16-2024.02.21 өдрүүдэд тайлангаа амжилттай нэгтгүүлэхийн зэрэгцээ Санхүүгийн шинэчлэгдсэн программ Unicus программын сургалтанд хамрагдсан.
• Үндэсний аудитын газраас төсвийн захирагч, санхүү, төсвийн асуудал хариуцсан албан хаагчидтай хийх уулзалт, хэлэлцүүлэгт хамрагдсан. /2024.03.21/
• ТАЦНС, ТАХННС-ийн сургалт хичээлүүдтэй байнга танилцаж ажилдаа нэвтрүүлэн ажиллаж байна.
• НДШ-ийн программ шинэчлэгдсэнтэй холбогдуулан цахимаар мэдээ мэдээлэлтэй танилцан тайлангийн шинэчлэлтээс хоцрохгүй сургалт зөвлөгөөнд хамрагдсан нэвтрүүлэн ажиллаж байна.

         Найм:  Бусад

• Санхүүгийн үйл ажиллагаатай холбоотой судалгааг цаг хугацаанд гарган ажиллаж байна.
• Байгууллагын болон бусад газраас зохион байгуулсан олон нийтийн ажил, хандив тусламж зэрэг ажлуудад идэвхтэй оролцлоо.